İçtiklerimiz Bade Değil

Türkü Sözü

İçtiklerimiz Bade Değil

İçtiklerimiz Bade Değil Sözleri

İçtiklerimiz bade değil zehr-i elemdir
Güldüklerimiz hande-i tesir-i sitemdir
Cahiller eder alemi mihrire tekaddüm
Tahsil-i kemal etmenin encamı nedemdir
Hem nev ini rencide eder nakıs olanlar
Makhur olur ol kimse ki erbab-i kalemdir
Bir akçeye namus ile imam satarlar
Bedmaye olan çaker-i dinar ü dirhemdir
Bin lanet ü nefrine sezavar olur ahir
Ol kimse ki ahlakı bed efali de kemdir
İcra-yi mefasit eden eşhas-i leim
Fikretmeli kim en sonu mahkum-i ademdir
İnsanları düçar-i düyunat eden elyevm
Hep de ki maişet denilen emr ü ehemdir
Müstağrak-i derya-yi niam zümre-i cühhal
Düçar-i sefalet olan erbab-i himemdir
Bir devre-i nahsinde bulunduk ki zamanın
Bahşettiği illetlerin ednası veremdir
Dilşat ediyor nakesi ya-rayi tabiat
İrfan ü hüner sahibi maruz-i sakemdir
Milliyetini methe seza görmiyen adem
Allaha kasem hain-i efrad-i ümemdir
Epkar-i arusan-i suhan saf be-saf olmuş
Bin cilve-i tazim ile karşımda hademdir
Evza-i hiretsusi cihandan heder olduk
Geldik geleli dehre esir-i keder olduk

www.baglamaci.com